මද නිසා හැර ගියත්
වෙනකෙකුගෙ තුරුලෙ සුව
විඳවිඳම සැනසුනත්
කඳුළු පිරි නෙතින් මට
අයැදුවා අමතකද
පුරුදු සෙනෙහස දෙන්න
හෙට දිනේදිත් තවත්.....
පුරුදු සෙනෙහස නැතත්
මිතුදමෙන්වත් උතුම්
සනසන්න සිතා ඔබ
මා අතරමන් කළත්
තනි නොකර දිවි කතර
දුරින් හිඳගෙන තවත්
නිහඬබව දුරුකලා
හොඳින් දන්නව ඔබත්.....
එපානම් ඒ ඇසුර
කුමට වෙහෙසෙමි තවත්
නුදුරු දුර සිතම හෙට
මකනු ඇත පාළුවත්
මගෙ වරද නොවේ මෙය
පෙර මෙන්ම අද දිනත්
සිනහවෙන් දිවිගෙවනු
අද මෙන්ම හෙට දිනත්....
No comments:
Post a Comment