ලා හිරු කිරණ පෙරඹර නැග අළුත් දිනේ
මල් ගොමු පුබුදුවයි නෙක නෙක හොරෙන් හොරේ
මේ හැම දැක දැකත් මගෙ සිත් මල අඳුරේ
සැතපෙන අරුම බල තව මගෙ හිරු අවරේ....
සුදිළුනු හිරු ම'නුබ ටික ටික මියැදෙනවා
එළි ලෙස කණමැදිරි තවමත් ළෙලදෙනවා
හිරුත් මමත් හෙට වලපල්ලට යනවා
දෙලොව එළිය කල පව පඩිසන් දෙනවා...
අවරින් ඉරක් නැගවිත් ලොව සරසාදෝ
මළ හිරු නැවත දිදුළා දුල රැස් දේදෝ
කවදා තුන් ලොවම යළි සුවපත් වේදෝ
චපල සිතක් කල අරුමය මේ නේදෝ....
No comments:
Post a Comment