පර මල

කැකුළ දුටු දා 
සුවඳ ගන්නට 
පැතුවමුත් සිත් කොනින් රහසේ 
තලන්නට නම් 
කිසිකලේ නෑ
සිහිනෙකින්වත් සිතේ තිබුනේ
විකසිතව මල 
නෙක බඹරු' විත් 
රොන් උරා පෙති තැළුණු මෙදිනේ 
මුකුලිතය ඔබ 
නමුත් පෙරදින 
සුවඳමය සිත පුරා දැනුනේ......... 

නොවරදින තිළිණය

නැති වුනත් සෙවණැල්ල
මිතුරුමය කඳුළැල්ල 
නැත සිතේ සැනසිල්ල 
අළුත් ඇරඹුමැ'සිල්ල 

ආදරේ නාමයෙන් 
එදුක් උහුලමි නිතින් 
කඳුළ මා ලඟ ඉඳින් 
මියෙන මොහොතෙත්, පෙමින්...